المطبخ أساسيات وأبعاد

المطبخ .. مملكتك  

      المطبخ فراغ .. يدخله كل افراد ااسرة بلا استثناء , يدخله الاهل عند الزيارة والعزائم ،الاصدقاء المقربين والخدم ان وجدوا , ولكن يبقي مملكتك انتِ, وعلي الاساس دا بيتم تصميم المطبخ , مريح لكَ .. مناسب لاحتياجاتك .

* وعاوزين نتفق.. ان اللي هاكتبه معايير واسس بس مش مسلمات ..ودا اجابة اسئلتكم الكتيره اللي اغلبها ” كده صح هندسيا “؟؟
ليه بنقول كده .. لان لكل قاعدة شواذ .. يمكن الاختلاف دا قادم مع التغيير والتكنولوجيا وظهور اجهزة جديدة .. يمكن مصاحب ل مساحاتنا الضيقة والاستغلال الامثل للمكان .. ومع كل ده مانقدرش ننكر اننا بنخلق شذوذ للقاعدة مع اختلاف احتياجات ربة المنزل وراحتها .

* عند تصميم المطبخ في اساسيات يجب مراعاتها …
– معرفة الاجهزة التي سوف تكون في المطبخ وحسم اختياراتنا ، نوعها ، عددها وحجمها .. مينفعش افضل حيرانه وانا مرتبطة بسباكة وكهرباء وغاز .

– وكذلك حسم نوع الاجهزة سواء كانت عادية او بيلت ان .. لان البيلت ان ايضا لها تجهيزات وابعاد خاصة في النجارة .

– في اجهزة محتاجة وصلات تغذية وصرف وتمديدات كهرباء واحيانا بتكون خاصة .. تتحمل الضغط العالي الناتج من الأجهزه الكهربائية .

– اماكن الفتحات مهمة جدا سواء اذا كانت قائمة او سوف يتم تغير مكانها او ابعادها ..والتاكد انها بتقفل بطريقة سليمة من غير مايكون هناك عائق سواء من الاجهزة او الدواليب .

– المطبخ مكان كله حركة ولذلك يراعى ما يعرف معماريا بمثلث الحركة و ذلك لتحقيق مرونة أكبر ولتفادي اهدار الطاقة أثناء العمل في المطبخ , والتقليل من عدد التنقلات داخل المطبخ ..
و هذا المثلث يسمح لشخصين على الأقل باستخدام المطبخ في نفس الوقت من غير مايضايق أحدهما الآخر، ويجب ان لاتقطع اضلاع المثلث اي قطعة اثاث .
رؤوس مثلث العمل الوهمي الثلاثة هي منتصف الجهزة الثلاثة 1 – حوض الغسيل 2 – الثلاجة 3 – البةتجاز

– نراعي ان تكون الثلاجة أقرب مايكون للباب ، ويكون حوض الغسيل في أقرب مكان للإضاءة أو الشباك، أما البوتجاز ففي أقرب مكان لمصدر التهوية .

– يفضل أن محيط هذا المثلث اي مجموع اطول اضلاعه بيتراوح من 4 الي 8 م و كل ضلع للمثلث لا يقل طوله عن 1.20 م و لا يزيد عن 2.75 م .

– صغر اضلاع المثلث عن ذلك ليست ميزة .. فهي ايضا تكون متعبه ، وزيادتها ايضا مرهقة.

– الوحدات السفلية بتكون بعمق 0.60 متر ، وعشان نحفظها .. هي دائما مرتبطة بعمق الاجهزة واللي اغلبه بيبقي 0.60 متر .

– ممكن اننا نقلل العرض في الاماكن الخالية من الاجهزة بشكل انسيابي لو المطبخ ضيق بمقدار من 10 سم الي 15 سم ، وده مش هايضرنا في اكسسوارات المطبخ الزكية اللي عمقها اساسا بيكون تقريبا 0.45 .

– بنسيب مسافة من الارض تتراوح بين 10 ال 15 سم علي شكل عتب او ارجل استالس ترفع الوحدات السفلية .. ارتفاع الوحدات السفلية كليا لايزيد عن 90 سم بالعتب وبتخانة الرخامة او الجرانيت باي حال ..

– ايهما افضل في الوحدات العليا ؟ البلاكار او منخفضة عن السقف .. دا بيرجع لذوقنا وراغبتنا ، مالهاش قاعدة .. وان كنت انا بافضل البلكار اللي بيضيف مساحة تخزين وبيمنع تجمع الاتربة فوق الوحدات العلوية .

– الوحدات العلوية بيقل عمقها عن الوحدات السفلية بحوالي من 15 الي 20 سم اي بتكون من 0.40 الي 0.45 متر علشان ربة المنزل وهي واقفة تكون مرتاحة ، راسها ماتتخبطش او تحس انها محتاجة ترجع لورا .

– المسافة العمودية بين الوحدتين السفلية والعلوية .. بتكون حوالي من 0.50 الي 0.75 متر
بنحددها علي اساس طول ربة المزل واحيانا وحدات السيراميك بين الوحدتين بتحكمنا في تغيرات بسيطة جدا .بناخدها في الاعتبار .

– لو اضطررت لوضع البوتجاز بجانب الحوض بفصل بينهم بمسافة لاتقل عن 50 سم باي حال من الاحوال .. ومع كده انا اراها صغيرة وتعيق العمل .

– يفضل وضع مخارج الكهرباء سفلية للاجهزة الرئيسية للبعد عن منظر السلك الخارج الممتد من اسفل لاعلي ويخترق الرخامة .

– وضع مخرجين كهرباء وكهرباء قوي في كل حائط في المطبخ في اوله واخره .

– البعد عن وضع مخارج كهرباء في منطقة الحوض.

* شكل توزيع الوحدات في المطبخ بناءاً علي ابعاده :

فرش المطابخ الفرش الامثل حسب مساحتها وممكن اضافه تعديلات على حسب الحاجه و راحه الحركه :
– المطبخ المستقيم احادي الخط :
ويفضل في المطابخ الضيقة التي لا يتجاوز عرضها 1,60 م فيكون الاثاث يكون كله في صف واحد.. بالتالي يتحول مثلث العمل الي خط مستقيم لصغر حجمه..

– المطبخ المتوازي
يكون توزيع الوحدات واجهزة المطبخ في خطين متوازيين..ونستخدم هذه الطريقة في المطابخ المستطيلة لا يقل عرضها عن 2,40 م وايضا يستخدم اذا كان للمطبخ مخرجين في ضلعين مواجهين لبعضهم .

– المطبخ الزاوية او علي شكل L-shape
يتم في المطابخ المربعة و المستطيلة..يعتمد على توزيع الوحدات والاجهزة على ضلعيين متجاورين وعلى شكل حرف L.
و نقدر في هذا التصميم اضافة طاولة بالوسط.. حسب مساحة المطبخ..
يعتبر هدا التصميم من افضل التصاميم لمرونة الحركة فيه..

– المطبخ ال U-shape
توزيع الوحدات على ثلاث اضلاع متجاورة..بحيث تشكل حرف U ..يعتبر هدا التصميم مثاليا لانه يقرب منطقة مثلث العمل..كما انه مثالي جدا للمطابخ المفتوحة بنظام الامريكان او لفتح بار علي السفرة او اليفنج .كما انه يسمح بوضع طاولة في الوسط..عيبه الوحيد انه لا يناسب الا المطابخ الكبيرة التي لا تقل مساحتها عن عشرة امتار…

على شكل U وبداخله جزيره و يعرف ب مطبخ جزيره
علي شكل حرف U وداخله جزيرة لو مطبخك كبير اقوي ومساحته مرتاحه
بمعني توجد وحده في وسط المطبخ مثل الجزيره غالبا تبقى وحده الحوض او البوتجاز وتوزع بقيه الوحدات في حرف U وهو مناسب للمطابخ الكبيرة التي تزيد مساحتها عن 15 متر..وينفذ في الفنادق والمطاعم والقصور.

م.هبة دبور

des24 des26 des25 des23 des22 des17 des18 des19 des20 des21 des12 des13 des14 des15 des16 des7 des8 des9 des10 des11 des2 des3 des4 des5 des6 des1

Facebook Comments

Related Post

thumbnail
hover

دهانات المطابخ..نصائح واستفسارات

دهانات المطابخ 1-الاستر .. الي هو بيبقي لون الخشب و بصبغات ده ليه اكتر من طريقة...

thumbnail
hover

ما يجب ان تعرفة عن أجهزة...

“أصعب قرارات البنات والستات اللي بتجهز مطبخها هي انها تجيب بوتاجاز عادى و...

thumbnail
hover

دفايات الإيثانول.. تدفئة وجمال للمنزل

مع الانخفاض المتواصل لدرجات الحرارة، تبقى الدفايات هى الحل السحرى لتدفئة ال...