دهانات المطابخ..نصائح واستفسارات

دهانات المطابخ

1-الاستر ..

الي هو بيبقي لون الخشب و بصبغات ده ليه اكتر من طريقة :

في طرق قديمة باستخدام الجملاكة و السبرتو و السلر و ده بيحتاج وقت و خدمة كويسة
بيطلع نتيجة ممتازة او رديئة حسب حجم الخدمة و شطارة الصنايعي
تاني طريقة و دي الي انا بفضلها مراحلها كالاتي :
1 صبغة 2 سلر نيترو 3 معجنة 4 سلر نيترو 5 سلر بولي يوريثان وشين عالاقل
6 بلة جوملكة بسبرتو 7 لون و ورنيش بولي يوريثان و ممكن نيترو
طبعا بيبقي في درجات مختلفة للمعة,
طب حتي لو مشيت عالمراحل ايه الي بيفرق كجودة ؟

نوع الخامة نفسه زي كده الموبايل الصيني و الايفون
ده موبايل و ده موبايل بس في فرق جودة شاسع و كمان الصنايعي الي هيخلط النسب و يقتنع بمستوي الشغل
في مرحلة مهمة قبل الاستر اسمها براشة ايوة عارف اسم غريب
المهم المرحلة دي مهمة جدا عشان ميطلعش خرابيش في الشغل بعد دهانه و يبقي سطحها املس

صحيح في دلوقتي صبغات كتير جاهزة الوان مختلفة يعني ممكن استر احمر و اخضر عادي جدا

2-الدوكو

و ده بيكون عبارة عن دهان مش بيبين ثمر الخشب
ده افضل شيئ ليه ميتدهنش علي اخشاب واضح فيها ثمرة خشب عشان يكون سطحه املس
من انسب الحاجات الي يتدهن عليها هو الزان و ال mdf و الكونتر الطبقات مش العادي
ده في منه لمعة و نص لمعة و مغسول و نقدر نتحكم اننا نجيب كل درجات الالوان
اهم حاجة مراحل تحضيره و الخدمة الي تحته عشان نعزل الخشب

و نتعامل مع سطح عازل ميتاثرش بالمية و كده

التحضير بتاعه صعب نشرحه شوية لان تفاصيله كتيرة
بس بنستخدم حاجة اسمها فلر و surfacer و معجون حديد و معجون مستيكة
هو اغلي من الاستر كتكلفة خامات و مصنعية

3-الاكريلك

هو دهان بيكون جلوسي (بيلمع يعني )
و ده بنمشي اننا دهنا دوكو عادي و حتي بنحط دوكو تحته و بعدين نرش الاكريلك و بعدين بيتطفي و يتلمع
و ده طبعا درجات في مصري و ايطالي و الاتنين درجات

4- بولي يوريثان

هو سعره ارخص من الاكريلك و مشابه ليه في اللمعة و لكن مقاومة احتكاكه اقل فبلاش منه.

5- الشروازيه

و ده بيكون نوع من انواع الدهانات الي بندخل لونين مع بعض
لون جوة ثمرة الخشب و لون في الجزء التاني
و ده بيكون في مرحلة اننا نفتح مسام الثمرة و بعدين نملاها باللون الاول
و بعدين نرش اللون التاني الاجمالي
ده بيكون اغلاهم لانه بياخد وقت و مجهود اكبر و ميصلحش مع الخشب غير المفجر

عشان يبقي واضح زي الارو و البلوط مثلا

اسعارهم بقي منقدرش نحكمها لان كل تفصيلة بتتحكم في السعر بس
الدوكو لضلفة باب بتتراوح من 600 ل 900 جنيه
الاستر من 350 ل 800
الاكريلك من 600 ل 1000
الشروازيه من 600 ل 1000

م.هبة دبور

1 4 5 36
.

Facebook Comments

المرفقات

Related Post

thumbnail
hover

المطبخ أساسيات وأبعاد

المطبخ .. مملكتك         المطبخ فراغ .. يدخله كل افراد ااسرة بلا استثناء , يدخله ...

thumbnail
hover

ما يجب ان تعرفة عن أجهزة...

“أصعب قرارات البنات والستات اللي بتجهز مطبخها هي انها تجيب بوتاجاز عادى و...

thumbnail
hover

دفايات الإيثانول.. تدفئة وجمال للمنزل

مع الانخفاض المتواصل لدرجات الحرارة، تبقى الدفايات هى الحل السحرى لتدفئة ال...